A AULA DE INFORMÁTICA E A REDE DE DINAMIZACIÓN OFERTA A NOVA PROGRAMACIÓN PARA O PRIMEIRO TRIMESTRE DE 2009
Durante este ano desenvolveranse
actividades na aula de informática e na Mediateca do Grilo.
A Aula de informática tivo
durante o 2008 máis de 800 usauarios que realizaron case 3.000 visitas.
A Aula de informática,
dependente do Departamento de
Cultura, e a Rede de Dinamización da Sociedade da Información veñen de
presentar a súa oferta para o primeiro trimestre do 2009. Unha das
maiores
novidade é que neste período as actividades que se ofertan serán
desenvolvidas
na Aula de informática, na Ramallosa, e na Mediateca do Grilo en
Cacheiras.
O Concello e a Rede de
Dinamización ofrecen aos cidadáns sendas
programacións ata marzo con diversidade de cursos e obradoiros
encamiñados a
introducir ás persoas nas novas tecnoloxías da información e a
comunicación.
Segundo explican as monitoras da
aula “existe unha gran variedade de oferta
dirixida a múltiples perfiles de usuario/a”. Entre outros pódese
realizar un
curso de alfabetización informática, un curso de internet, un curso de
excel,
varios obradoiros de iniciación á informática e a internet, un de
edición
básica de imaxes co programa Gimp ou un taller para fortalecer a
memoria a través
de diversas páxinas web específicas.
Calquera
persoa maior de 16 anos pode anotarse nestes cursos. Para facelo
só ten que cubrir unha ficha de inscrición que pode recoller na Aula de
informática municipal, na mediateca do Grilo ou no Rexistro Xeral do
Concello,
así como descargala da páxina web municipal www.concellodeteo.com.
Unha vez
cuberta débese entregar no Rexistro Xeral do Concello de luns a venres
de 09:00
a 14:00 horas e os sábados de 09:00 a 13:00 horas.
Todas as
actividades son gratuítas a excepción dos cursos que teñen un
custo de 15 euros, sendo a taxa de 10 euros para o segundo membro da
unidade
familiar que se apunte e de 5 para o terceiro e sucesivos.
Para
solicitar máis información poden achegarse pola Aula de informática
municipal, no edificio do xulgado, ou chamar aos teléfonos 981 815 700
ou 606
984 841. A aula
de informática funciona como aula aberta de acceso libre de luns a
xoves polas
mañás de 08:00 a 10:00 e de 12:00 a 15:00 horas; e polas tardes de
16:00 a
19:00 horas. Os venres a aula aberta funciona só pola mañá de 08:00 a
10:00 e
de 12:00 a 15:00 horas.
