BNG de TEO
Contacta connosco:
Tfno: 628 606043- Correo: teo@bngteo.org
Aberto o prazo para solicitar axudas destinadas a persoas maiores e persoas discapacitadas
• Entre as persoas da terceira idade destacan as solicitudes para próteses auditivas e dentais
• O prazo para presentar as solicitudes remata o próximo 28 de agosto
As subvencións de Vicepresidencia, destinadas a persoas maiores e persoas con discapacidade para facilitar a súa autonomía persoal e accesibilidade para o exercicio 2007, veñen de ser publicadas. Os veciños e veciñas beneficiarios/as poden xestionar a subvención a través do departamento de Servizos Sociais do Concello. A data límite para presentar as solicitudes remata o vindeiro 28 de agosto.
As persoas beneficiarias destas subvencións son os maiores de 65 anos que acrediten a necesidade dunha axuda que non estea incluida no ámbito doutras liñas de protección social e sanitaria. De entre os menores de 65 anos poden solicitala as persoas con discapacidade e/ou en situación de dependencia.
A liña de axudas está destinada sobre todo a financiar a compra de próteses e axudas técnicas a persoas con discapacidade visual, autiditiva, ou para mobilidade e comunicación. Ademáis disto tamén se subvencionan actuacións para adaptar o fogar e suprimir barreiras arquitectónicas e de comunicación nas vivendas ou nos vehículos.
Segundo explica o departamento de Servizos Sociais do concello, nos anos anteriores o tipo de axudas varía en función do tipo de solicitude. Mentres as persoas con discapacidade solicitan financiamento para logopedas, motricidade infantil; a terceira idade pide as axudas maioritariamente para próteses auditivas e dentais. A adaptación funcional solicítase normalmente para adaptar cuartos de baño.
Seccións
Campañas
